Go Home

الخلّـــه- قصيـــد

<<Back

By: الأخــوة مقلّــد  

أول لقاء للأخوه طليع واصف حسام ووسام في لبنان بعد غياب دام أكثر من ثلاثين عاما

طليـــع

 

  يا عين شعيب يا فرحـــــة فؤادي              يا مجلى النور ، يا كاس السعادة

  يا مجمع شملنا أهل وقرايـــــــب              ويا بلبل عا مــــدار الدهر شـادي

  و مثل ما دمك بهالارض ذايـــب             جوى ذايب فــــــؤادي عا بـلادي

  ويا خلتنا اعذريني ان كنت غايب             غيابي كان عـــــا عكـس الارادة

ولد شبّ كبرت تا صرت شايــب              وما بتشيب في صدري المبـادي

  إنتيِ سهم صدر المحل صايــــب               لِجنة  حوّل تراب البــــــــوادي

  وما تهتمي ان كان الحيط عايـــب              لمحو العيب واصف فيه عــادي

  ولا مرة أملنا كان خايـــــــــــب                بهالخلة وعطاها والزيـــــــــادة

رجعنا وكل واحد إلك جايـــــب                سلة شكر، والفاضـــــــل الأكبر

                      هلّي كان بالاحسان بادي

 

  واصــــف

"عملي معروف يا امي أعذريني      "أنا ابنــــك وانــتي بتعــرفينـــــي  

  زرعني الهجر بالأرض البعيدي        وحصدني الشوق بمناجل حنيني

  طحني الغرب عا مطحن حديدي       وعجنّي البعد تا أرّص عجــينـي

  وخبزني الدهر عصاجة نهيدي         الجرح مفتوح والغصـــة دفينــي

رغم يمّي زياراتي عديــــــــده         مياه البحر مـــــا طفّت أنينــــــي
 
اكيدي رجعتي صارت أكيــــده        انا وسيريــــن والبيبــــي معـــانا
 

                  ما عاد في لزوم يمّي تودعيني

حســــام

  يمّي ولادك أدّ مـــا غابـــــــــــو           وعا قد ما كبروا  وما  شابــو

  ومهما البعد بيناتنـــا فـــــــــرّق            بيضل قلبــــي يذوب لحبابــو

  وبعدو السرير مشوشح معلـــق            مخلص لدين الشــيدو عتابـــو

  ومن سنديانة ســـــرها أغــــمق           من ســــــــرّ خبا سرّ بعبابـــو

  وبعدا الحديدة لضيفنا تزقـــــزق           كلما الهوا نسّـــم على جنابــو

والعنكبوت البيت مـــــا طلـــــق         علّق مصيرو بخيط عخشابـــو

  وبعدا النبعة بالكــــــرم تخــــدق          وخرخارها ما شــح مزرابــو

والمي بعدا بالقنـــــــا تسقســـــق          تركض لتروي الكرم وعنابــو

  وصنوبرة الفيها الهوا تعنــــــزق         علّق ســـــما ثريا من سحابــو

  وبكير لما تطــــــل عالخنـــــدق          اللّبيد عم يزحـف على ركابــو

  شلعة غنم عا مهــــــل تتســـرق          ويلا الجـــــوع وويلها ذيابــــو

  والمنجل الفيها الصدا أصـــــدق          من كنز أرض الهجر وصحابو

  وعشبة ذهب من صخرتك أذوق         من شهد زهر الغرب وعشابــو

  يمّي وطبيعــــــــي الأم قلبا يدق          عاولادها بخفقات سرســـــابـو

  ومن كتر ما قلبــــــك علينا رق           اللـــــــــــــه كفالو اليوم أتعابو

ويا واصف العودة طريقا شـــق          إرجع لخلــة ورمم العـــــرزال

     تا يرجع الوالد من ترابو

وسام

رجــــــع عنقودنا يلملم حبوبـو            وحلي كرمي وغــرد عندليبو

وعصر أيلول كرم الشوق فييّ            وحبيب تبنج بملقى حبيبــــــو

يبو سليمان، والأحلى يــا خيي            عيوني عليك شمعة عم يذوبو

وباقي بشــــمعتي خيط المنيي             وسوادو بلّشـــو طرافو يشيبو

تعا بســـهرة العمر بطيب نيي             نجمع بيدر العمر وحبوبــــــو

خمس ســــنين عشناها سويي             عندما كان سـنّي عا حليبــــــو

وجروح بســـــنة الثمانين فِيّ              بيوم ونص ما لحقو يطيبــــــو

دْلقتْ من قبل ســت سنين ميِّ             عقلبي وظل شعلان بلهيبــــــو

            يعني بس خمـس سنين فــــــيِّ              وباقي العمر عالصحرا دروبو           

أربعين وســـــنة ضاعو عليّ             اذا كانو جــرح وينو طبيبــــــو

ويا واصف انت يا بي الحمية             الإجاك بكشتبان مليت كوبـــــو

على لبنان راجع خمــس مية               بالمية اذا تحـــــــسن جنوبــــو

تعا العرزال بالقلعــــة الفتية               حيّكلو مـــــن الوزّال روبـــــو

ويبو حاتم يا منجم شــاعرية              النَظَم  مثلك انمحيتلو ذنوبـــــو

شــــــــنف إذنّا بنغمة شجية               وبآخك نطـــرد الليل ونعيبــــو

وبموقع كــرم زيتونة عليي                البحر عحفافها بيلقي جنوبــــو

بإيدك كمّـش مواجو العتيي               وقرص الشمس ردّو من غروبو

وهلق لو بتســــمعنا يا بيي                 بدعاك، الرابع تناول نصيبــــو

ولأنو كل زر  بمزهريـــة                 بلا بســـــتان ما بيفوح طيبـــــو

رح بتستأذن الرحمة العليي                وملاك الموت ربعو يستجيبـــو

اسمحولو يروح  لولادو عشية            ال من ثلاثين عام وما اجتمعـــو

وقبل شق الفجر ارجع وجيبو

 

 

 

 


Adidas Gazelle pulseras pandora zapatillas converse ropa hollister Zapatillas puma zapatos jordan nike shox nike air max mujer joyas tiffany nike huarache polo ralph lauren Zapatillas adidas air max zapatos louis vuitton Adidas Superstar Zapatos adidas zapatos christian louboutin bolsos michael kors nike air max nike roshe


Website created and hosted by Reggie's PC Resources, LLC