Go Home

الخلّه-قرّادي

<<Back

By: الأخــوة مقلّــد  



أيلول-2011

أول لقاء للأخوه طليع واصف حسام ووسام في لبنان منذ سنة 1980.

بعد غياب دام أكثر من ثلاثين عاما اجتمع الأصدقاء والأحباب في بستان (ألخلّه) ، ملعب الطفولة، لأحياء المناسبة

:طليع

قلبي غير أنتو مالــو                 مهما طموحاتو تعالو
حطّو عا قمة صنين                  الخلّة بتطلع عا بالــو

لبيبعد عن أرض الأم                وبيترك بيتو فاضــي
وبأمور الدنــــيا بيهتم                وبيصفّي فيها راضي
بيرجع لما يحـــنّ الدم               وبيرجع فكرو فاضـي
تيغسّل عن قلبو الهــم               والخنقة من أوصالـــو

:واصف


من بيت (مالك) لمّا تطّل             بتشوف الخصـر الميّال
فستانا مطّرز بالفّـــــل               وعـصدراالوادي سنسال


عصافير الخلّـي بتضّل              مشغــولي ومرتاحا البال
والـحـيـط يـكاغي لـلجلّ             والـنـبعة تقسـّم مـــــــوّال

ولمّا شمسـا عنـّا تفّــــل              وتغـرق بالبحر الأذيـــال
بتفلّت شعرا وبتحـــــل              ومن ليـلو بتلبس شلحــــه

وتغفى بفية عرزالو

حسام:

يـــــا واصف الله يهنيـــــــــــك    الجنّة نقلتا عالخلـــــــــــــــــة

ومـــن فخري بترابـــا وفيــــك     راســـي عالشمس معلّـــــــي

وانشـــــالله البـــاري يعطيــــك    وقصـــــر تعمّـــر عالتلــــة

وبحـــرف الســـكر يــا شريــك    الهجــــر تقطعلـــــو حبالــــو

وسام:

بتقطــــــع آلاف الأميــال               تتقضيلك أسبوعيــــــن

الملقى شروة برأس المال               والغربة بيعة بالديــــــــن

وهالخلة بعدا مـــــــــوال                 بيطرب أذن بيسحر عين

وعرزالا لو شاف خيــال                بيفلش حالو عخيالـــــــو

طليع:

جينا نشارككم بالعيــــد                   ونفرح بالعرس سويـــة

ونجمع فينا كتاب جديد                    من الأوراق المطويّــــة

ولمحة عالماضي تنعيد                   وتا نلمح فيها بيّـــــــــي

باقي قضيب الحديــــــد                    و وينو باقي عرزالــــو

واصف:

مـهـما عنــــــك يا خلّـي                 غبت وطولت المشــوار

ب قلبـــــي رح بتضلي                   مهما شبـنا وصرنا كبار

ولو أمريكـــــــا ألبتحلّي                  بتفرش قدّامي الأنهــــار

ما بتوضا ولا بصلــــي                   الا عتراب القلعــــــــــة

ونبع شعيب وشلالــو

حسام:

تجمعنا أمّ وأخــــــــــوان               وحبايب مـــــــع قرايب

ويا ريتو معنا سليمـــــان               وتلت خواتي اللي غايب

ولا تخافي يمّي الهجران               غير ريشي منـو صايب

رح طير وعود للبنــــان                 وشارك خيـــي عرزالو

وسام:

للخلـــــــــــــة جينا نغني               وهيـــــــي فينا منسرة

وإلها بيتبسـّـــــــم سني                  وغيبتكن عنها مــــرة

جينا واصـــــــف تنهني                  المالكها نقشة وطــرة

لكن رح تبقــــــى بظني                  البيت البيلم عيالــــــو

طليع:

لبنـــــــــــان دوماً بشتقلو               ولو كانت جنة الغربة

وغيروعيوني ما استحلو                 وعيوني مــش بـِ قلبي

يا ريتو أوســــــــع سهلو                  وصبرو أكبر من حبي

غبنومــــــــا يحمل أهلو                    ويحملهم عـــــا إهمالو

واصف:

بالخلـــي لا تهنيـــــــني                  هنّي بالخلـــي حــالك

الخلي عملناهـــا جنيـني                  مش كرمالي,كرمالك

الخلي ورزقي وسنيــني                  لـخيّ, ما بتغلالـــــــك

ولما بتقصد عريـــــــني                  منصفيّ نحنا الـــزوار

وأنتو صحابو ورجالو

 

حسام:

بالغربة بتبقــى مقطـوع                  عن عطف الأرض الغالي

ومهما ساير بالمجمـوع                   العا بالن مـــــش عا بالي

بضحكلن وبعيني دموع                    وبغنيلن مــــــــــــــوالي

نيال العندو بجرجــــوع                    مرقد عنـــــــــــزة نيالو

وسام:

مبســـوطين بهالخلة ؟                  لكن أصـغركم زعلان

الخلة شـحادة من القلة                  تتخفـف نار الهجــران

ومهما تراباتا نغلّــــي                   شو قيمتها بلا إخــوان

مثل العلجنّــــــة معلّي                  وعايش فيها لَحالــــــو


Adidas Gazelle pulseras pandora zapatillas converse ropa hollister Zapatillas puma zapatos jordan nike shox nike air max mujer joyas tiffany nike huarache polo ralph lauren Zapatillas adidas air max zapatos louis vuitton Adidas Superstar Zapatos adidas zapatos christian louboutin bolsos michael kors nike air max nike roshe


Website created and hosted by Reggie's PC Resources, LLC