Go Home

حسام ووسام-أول وأخير

<<Back

By: الأخــوة مقلّــد  



عندما اتفق وسـام مع حسـام على الحـوار، كتب وسام مشاكسـاً

عملت استشارة قبل ما غني معـــك                   وعرفت ظهرك من زمان بيوجعك

مش كل عزمي بالشعر رح سمعـك                  بخفف الحملة عليك حتى شجعــــك

بالعمر أكبر ، والعمر شو بينفعــــك                  لما كفوف الشعر بدها تصفعــــــك

وعا بُعدْ 14 ألف من الميــــــــــــال                  ما بتركك لو اخوتك شدو معــــــك

تــأخر حسام بالجواب بداعي الدراسة فكتب وسام لواصف مستفسراً

وينـــــو خيـــــك يا خــــــي                            بــــــــدرو ما هـــــلّ عليــــــــــي

اسمو سيف ولكــــــن حيف                            تكــــــون سيوفـــو مصديــــــــــي

فقال واصف

شـــــو بدك تــا وصّلـــــــوّ                              وخليلي الباقـــــــــــــي عليـــــي

وسـام

قلّـــــــــــو النطرة شغلة بـــال                           وتقلّــــــــــــو الحملة شـــــويـــي

ثم كتب  وسام لحسام من جديد

يــا خيي الفرصــــــة بتمـــــــر                         مـــــرة وحدة عالإنســــــــــان

عطيتك فرصة بتســوا العمــــر                         تتبارينــــــــي بالميـــــــــــدان

الكلمة بتمك كــــــانت جمــــــر                          وصــار أدفى منها البــــردان

دمعة زهر بتــــرم الفجـــــــــر                           وطارت عنـــــد الصبحيــــي

فقـال طليـع

كل الســــلّ وكل العلــــــــــــك                          ما حطّــو من مقدرتــــــــــــــو

خيــك بدو لــــــــزّ وحـــــــرك                          تــا تغليلـــــــــو طنجرتــــــــو

يا بيمشــي يــا بيعلك علــــــــك                          كـــل شي عنـــــدو بـ وقتـــــو

رح يهلك أنفاســــــك هلــــــــك                          ان قلّلــــــــــــت إنســــــــانية

وأضاف واصـف

لا تعتلي حصانـك وترخيلو اللجــــام                    في فرق بين السيف ورقاب الحمـــام

بعلمي التحدي بينك وبين الحســــــام                    شـو جرأك تهجم علينا بالكــــــــــلام

لوما طليع الشعر ما رقصو القـــــلام                    ولو ما حسام الحق ما عم الســــــلام

رح شد في "ضهرو" تما يغلط عليك                    وتتضاعف الاميال بين سام ووسام

بعدها بدأت المحــــاورة

وســـام

دوزن خيال الشعر يا ابن الكــــــــــــرام             عا ناي صوتك كنت فيق وكنت

نام نكنّك حسام الخي محسوبك وسام                جنب الأخوّة، العمر بعملو احتـرام

نكنت النعس ومدهدك ودربك ظلام               عيني سريرك والجفن فوقك حـرام

لكن اذا تناسيت قدري والمقــام                  وعملت خصمي بشلحك فوق الغمام

لو ظل سيفك بالغمد ألفين عــام                   مثل اللي عطرو ظل غافي بالكمام

بين أول وآخر حسامك جـــرّدو                  بالشعر آخرتك عإيدي يا  حسـام

حسام

أهلا وسهلا فيك يا خيي الاميــن                     رخص الطلب والطالب بقلبي ثمين

لطّشتني عا هالتحدي من سنيــن                      وكلما نويت عليك قيدني الحنيـن

وان كان سكوتي غشك وزاد اليقين                عندك بأنو شفار سيفي مصدييـن

بوصيك لا ترفع وسامك عالجبيـن                من قبل ما خصمك بميزانك تزيـن

رح بوعدك سيفي بغمد باقي  دفين               وضد خيي بسيف منّي مستعيــن

ومن كتر عطفي عليك بدي لاعبك               شقفة عجيني بين يسار وبين يمين

وسام

طال انتظاري،وفكّرت طار الحوار                لما جوابك  من سكوت الصمت غار

وغْمدْتْ سيفك خوف يما اعتبـار                 لا تدّعي سيوف الشعر إلها شفــار

ولما فكارك تقدح الردة شــرار                  بجبر الوحي بفكرتي يعمل  مــزار

أعطف عليي،وبين يمينك واليسار               هِلّ العجينة بدر بتضوي نهــــار

بعطف عليك، وللفرن وجّي انـدار                   تا سدّ جوعك حمّرت خدي بنـــار

ولما الأمين عملتني، ومأمون صار                حضرت جنابك،شوف كيف الخي جار

لا تفرح بموتي، وانـا بنهايتــي                     سجلت عجبين الظلم أغلا انتصــار

حسام

تعوّقت نتفي عليك مسموح وحـلال        إنحت جوابي حروف من وحي الخيال

شمسي لْضوتْلَك يا قمر وج الكمـال       مرة بدر رح تعملك مرة هــــلال

وأول ما نوري زت شلحة عالتــلال    وجّك تحمّر واستحى منـــي وزال

الأول أنا وما بفسح لآخر مجـــال             يعلى عمرتبة البطولة  والرجـــال

أول سنين العمر تغنيــــج ودلال                 وحب وحماس ومرجلة وعز  ونضال

وآخر سنينو إنحطاط وإنحــــلال                 وأنجأ يمينك تقدر تزور الشمـــال

ومن شان بروز مرتبي وإنهي الجدال             بعطيك بيت انقال عا مر الجيـــال

مهما فؤادك مال عدروب الهـــوى                  حبك الأول ما إلك عنو بـــــدال

وسام

اول هلالك خيط حردب وانشطـــر                    والبدر ضوا الليل تالعتم  اندثـــر

والعود لما كان غصن من الشجـــر                  ما حنّ صوتو قبل ما تشدّ  الوتــر

والحصرم اللي بكرم آذارك ظهــر                   عا سيرتو عم تضرس سنان البشـر

أدخل عكرمي بآب بتلاقي الثمـــر                  كومة عيون معنقـدي بتلمــع درر

بأول الصيف،الأرض جفت عالمطـر                  وجروح جنب جروح إزميلـك حفـر

بآخر اليوم، الشمس متعة للنظــر                         لما الشفق من فوقها خرطـش صور

وما زال بالامثال عامل مؤتمـــر                       خذلك مثل من كرمة الحكمـة انعصر

أول الغيث القطر، ما بيروي الظما                    طقّـت جروح الارض تالغيث انهمـر

حسام

حصرم ربيعي مفرفح  قلوب البنات                       ولا زبيب طلق دالية وطقطق ومـات

وعغصون حبي الرخرخت بالطيبات                            هلالات بتصلي على الأربع جهــات

ولما بأول آب  أغلى الأمهـــات                                        جابت أبو  سرمد على كرم الحيــاة

غيثك همى وصرنا على مركب نجاة                            نبرم وندعي ربنا و نتلي  الصــلاة

لكن رذاذي بمهل ونعومة  فتــاة                                 شرشف حريري  رش عسرير النبات

تركني بمكاني أول ودربـي ثبـات                            رح أسلكو وتمم مـعاك الواجبــات

حبي إلك أغلى عنفسي مـن الذات                               وعطفي عخيي متل عطف الوالـدات

درهم وقايي ولا ألف كيلـو علاج                                      بتعيش لا داء ودوا ولا ممرضــات

وسام

حكّم جواباتك، تأمل شو جـــرى                                   ما بريد بالاخطاء تعمل عنتــــرة

خيلك أصيلة، بس قلّي يا تـــرى                                          خط النهاية قبــال عينــك أو ورا

راجع الردة، حروف ردّك خاسـرة                         وعْطَيْـتني من غير قصد الجوهـرة

لما ابتدى الطوفان،عالكون افتـرى                             ولقمة بتم الموت صارت هالقــرى

وتا ترجع بآخر مطافو معمـــرة                                  ظهر السفينة صار دنيا مصغـــرة

بيعت حمامة خوف، تالأمن اشتـرى                              وجابت غصن زيتون يعصر مغفـرة

وشجرة ربيعك بالبداية مزهـــرة                                من غصنها بتقدر تسوي مسطــرة

ما صار شكلو هلال والخير انـدرى                                  الا لأنو غصن شجرة مثمـــــرة

وموشحك من فرحتو دمعو جــرى                                 ونزلت على خدودو الدموع محمّـرة

ولما رهيف الفكر أمثالك  بــرى                                 لا تقول بو سرمد ظلمني وافتــرى

"البادئ الأظلم"، والظلم مش  مفخرة                        "ويضحك أخيراً" عا مقاسي مقــدرة

وتا نهاية الانسان تبقى مسوكــرة                               بجنات عدْن ، بحبر عدلو مسطّــرة

تفكّر بأول عمرك واعمل مليـــح                                بتكون سوكرت الدني والآخــــرة

حسام

الردة إذا ما تناغمت أفكارهــــا                                     بتبقى ربابة مقطعين  وتارهـــــا

ومهما زدت عسطورها وأخبارهــا                                    حَبّك ما رح ينبت بأرض جدارهـــا

شوف الطبيعة كيف بِ آذارهـــا                                        جمعت فراح الكون عرس بدارهـــا

ولما بآخر فصل موتك  زارهـــا                                    بكيت دموعا وراق من أشجارهـــا

غصون الجنى ما سكرت بأثمارهـا                                 لوما تعبي كؤوسها  بنوارهـــــا

ولوما البناية عا أساس حجارهــا                                    بتنهدّ عا أهلا وعلى عمّارهـــــا

الطوفان حكمة جهلت تقل عيارهـا                                  وعقلك ما حل لغازها وأسرارهـــا

الله بعت عا هالدني طوفان نــوح                               تا طهّر من الكاينة كفارهــــــا

وسام

جــــاعت الردّة للحروف  وللبيـــان                                وطعمتها من بكر فكري عنفـــوان

ومهر القوافي ان جيت أطلقلو العنان                                   أول الخيل بيلمحو حبـــــة زوان

نوح النبي، مزبوط ، بالطوف استعان                                  من بعد الله ، وهيك حكم الرب كــان

لكن بآخر رحلتو، بـرّ الأمــــان                                          هنّى النبي لو كان في عندو  لســان

أول الحزن دموع مـن عين الحنـان                                  لوما أخيرو ، فُـلّ تمّك كيـف بــان

وأول خلق عالأرض كانو  بالجِنــان                                    لما طردهن ربنا بعدل  المكـــــان 

ولما على هابيل دمّ الخي هــــان                                           أول جريمة خطّها حبر الزمـــــان

وعا سيرة غصون الجنى وكاس الملان                              بيرق بلادك عالأرز شاهد عيــــان

والزيزفونة، والحبق، والبيلســـــان                                         جبلي ثمر منهم تأبصم بالبـَـنـَـــان

وبلوطك اللي تشنشل من السـنديــان                                      حنظل بقي من أولو لتالـــــي  أوان

وعا آخر الردة اذا بتسمح  كمــــان                                         أعزف جوابي لحن عا وتار الكمـــان

لوما النبي محمد  يجي آخر رســـول                                ما فْرَشْتْ سجادة صلا بعــــد الأذان

  حسام

لا تقلقي يا شلوح أرزة ان مــا ربـي                                  عغصونك الحرّة الثمار الطيبـــــة

التاريخ عمّر من فنودك مكتبـــــي                                             وأول قصر عمّر سليمان النبـــــي

وأول سفينة شقّت البحر العبـــــي                                      كانت من ضلوعك ضلوعا مسحبـــي

ورنده البنت حبّا بقلبك مصطبــــي                                           أول مرا وبعدا بأول مرتبـــــــي

هابيل كان بطلعتو حرّ وابــــــي                                             ومن بعد ما صارت حياتو معذبــــي

عقلو خلط دمو بسم العقربــــــي                                            وبقتل خيو صار عندو تجربــــــي

وما دام دخلت النبيّ اليعربــــــي                                          بموضوعنا يا آخرة خيّ قربــــــي

الله الأول ما اعتلى فوقو حـــــدا                                         أرفع العشرة وبوس إيدي يا صبــــي

وسام

كفي انرفعت بزند حامل منجلـــو                                     بشفشف حروف تناوطو وما وصّلـــو

أول الردّ بحبْ ماحل جابلـــــو                                              لو ألف مرة بتبذرو ما بتشتلــــــو

  كيف المذكر والمؤنث غازلــــو                                             عا فرد لحن الاذن مش عم  تقبلــــو

الرحمن اسمو "أول" وما بجهلـــو                                       وأسمو "أخير" وليش عم تتجاهلــــو

آخر كتاب، الربّ لما نزلــــــو                                           من الجاهلية  "فواج" صارو يدخلـــو 

         ولولا النبي من الغصن قصرو عاملو                               صارو أساسات القصر  يتمايلـــــو

  والسنبلة الفرغت من الحب الملــو                                              بأول الموسم  راسها عم تشألـــــو

وبآخر الموسم قمح صافي انتلـــو                                         ومالو بتواضع تالتهاني تقبّلــــــو

من بعد ما بعقلي الصبايا تغربـــلو                                               رنده اختياري الآخر وما بّدّلــــــو

وحضرت جنابك بعد ما فاض الدلــو                                الأولى تْرَكْتْ، تسراج دينا تشعلــــو

   ولو رحت تتصلي الوجوب ونافلــو                                     بليلة بتسوى "الف شهر" وتسألــــو 

  جاوب اذا بتصوم رمضان الكريــم                                           ليلة القدر بآخرو أو أولـــــــو ؟

حسام

لما النتائج يا رهيف توزعـــو                                     كان الفشل قدام عينك مصرعـــو

فيك افتخرت وصرت راسي أرفعو                                   تالبدر صفى عا كتافي موضعـــو

وما كان عندي شك باللي ترفعـو                                            النهر الحلو أصل الحلا من منبعــو

وأبنك إذا تهذيب ما بتشبعـــو                       بالآخر بيعصى وما فيك  تطبعـــو

وشعرك اذا ما كان ثورة مطلعـو                      بحرّم على أذني أخيرو  تسمعـــو

وخير الحقل عا بيدرك تتجمعـو                               بأول الموسم حب  قمحك  أزرعــو

وعقلك اذا بصف الأخير بتقنعـو                                 من مقلعو غير الفشل ما  بتقلعــو

وعا قصة الكيل الطفح قلبي معو                              يا ريت عقلي من البداية  إتبعـــو

ويا ريت أول يوم مني تقطعـو                                    حبال الهوى ومنها غرامي إمنعــو

ومن بعد مدة حنّ قلبي لمضجعو                              زرت الوطن مطرح م اهلي ترعرعو

صدفة التقيت بقلب كنت مضيعو                               وتوشوشو عيون الهوى وتدلعــو

ودريت قلبي بعد تجربة الزمان                                  غير الهوى الاول ما قدر يتعتعــو

وسام 

  تعا هالبحر تنهدّي هديــــرو                                    وبآخر مرحلي نقرر مصيـــرو

واذا الآخر على الأول تهجّــم                                      لا تزعل ، بعدك بقلبي عشيــرو

القلم لو بمدحو بعطيه مبســم                               من الاحساس بيرندح صريــرو

ومثل طبع البشر بيصير مغـرم                                  تيدلق عالورق زهوة شعـــورو

بقوافي من خدود الطفل أنعـم                                            عليها النهر بيدوزن خريــــرو

أنا بحرب الزجل أكبر وأعلــم                                 من جنود الامامي عم يسيـــرو

    واذا جيشك على الجبهة تقـدم                                 الأول ما احتمى الا بظهيــــرو

وبعيني بيصغر الكون المعظـم                              اذا بعينك كبر فيها زغيـــــرو

العمل لما بآخر يوم تمّــــم                              شهر أتعاب  بيقبّض أجيــــرو

وزمن عا آخر الليل المعتّــم                                وشوش فجر تا صبّح قديــــرو

أنت طلع العلى النحلات علّــم                                  وانا عا آخرو شهد  بقفيــــرو

أنت أول خطى عا درب مبهـم                               وأنا الغاية العم تحدد مسيـــرو

وإذا الظلم بإبن آدم تحكّـــم                                    أنا عم مخدّتو بأنّـب ضميـــرو

أنت أول كلام الطفل تتمـــم                                (انكغّ) ملعثمي بهزة سريــــرو

واذا بحكي بياني كتاب معجـم                                  وبلاغة من سكوتي بتستعيـــر

و أنت لو جسمك بليلة  تألـــم                                   وجفونك رفرفو بعتمة ضريــرو

الشفا بالآخر مخليك تسلـــم                                 تيرجع جفنك يصافح نظيـــرو

  وثمارك عالغصن لما بتهــرم                                 الثمر للأرض بيودّي سفيـــرو

البذور بتمنع بآخر الموســم                                     تحقلك يرجع يزهّر عفيــــرو

وكمّ الزهر عالعطر المكمّـــم                                 بأول موسمو بيحبس  عبيـــرو

وتيتحرر من السجن المحتّــم                                   بآخر موسمو بيطلق أسيــــرو

وجّ الضيف لو صوبك تيمــم                                         وجارك دق بابك تا تجيــــرو

بوجّو ان قلت (أهلا) بكف سلّم                                 بدون (تفضّل ) بيرجع يديـــرو

يبو حاتم يا خي الفيه بحلــم                                       يا شعر ملبّس الكلمة حريـــرو

اذا بنهايتي عمّا بتحلــــم                                                 تتبقى أول وإبقى  أخيـــــرو

ان طلبت العمر وحياتك مقـدّم                                    صغير القوم خادم لَ كبيــــرو

بآخر رحلتي بعبك  تبسّـــم                                        بحياتي أنت شاعر بالإمـــارة

                               وبموتي أنـت للمنبـر أميـرو

حسام

يبو سرمد انا اول شهيـــدي                         روحي بقدم ان طلبت حــدودي

وتا احفظ للوطن عزة ترابــو                        عخط النار قدامك جنــــودي

نحنا البحر شقينا عبابــــو                                  بشلح الأرز والعزم الحديـــدي

تا التاريخ بروز من خشابــو                                أول نصر عالموجة العنيـــدي

وشط الزكزك الابيض ركابــو                                    طالت ضحكتو سنيني المديــدي

الحضارة بدرس أول من كتابـو                             رسملا حروفها صورة جديــدي

أنا الول بصفي وما بهابـــو                                  ان إجا الاستاذ تا يفحص جهودي

وأنت بزاوية وجسمك شو صابو                            كأنو مرطب وماخذ بــــرودي

واذا شفت العمر منك شبابــو                             تشرن واقترب يوم الحصيـــدي

حنين وتارك بيعزف ربابـــو                             ليالي اول العمر السعيـــــدي

أنا بأول نهار المن عتابـــو                                  بلبل حب غرد عا فنـــــودي

ولما الليل سودلو تيابــــو                                      نحب عا آخرو بومه شريـــدي

أنا الخطوة اللي خيي من جوابو                                     طرحها وحاول ينقص رصيــدي

الخطوة الما ابتدا فيها ذهابـو                                     مسافة متر  رح تبقى بعيـــدي

انا الحلم اللي شرعلك بوابـو                                   وبدون الحلم دنيانا زهيــــدي

ولولا بنفسك الآمال شابــو                                      عداوة نفسك لنفسك لــــدودي

وبعد ما الشعر أضرمنا ثقابو                                     وبعد ما كتبتلك آخر قصيــــدي

اذا شفتك ورا الهم وعذابـو                                            عطيني ايدك وبعطيك ايــــدي

واذا عليك الدهر قسّى نصابو                                    لضحيلك بشرياني ووريــــدي

واذا ضيعت عن دربك صوابو                                      طريقي اتبع الخبرة مفيــــدي

ويا جرجوع العيوني غصب غابو                              عنك والهجر ضيق قيــــودي

بقلبي باقيي أول حبابــــو                                      يا أرض الحاضني أهلي وجدودي

مهما الغرب علالي عتابــو                                     ومهما بانت كبيري الطريـــدي

صخور الكون عن "شيرك" ما نابو                             ولا عبى الأطلسي "بركة حميدي"

أنا وعدي إلك قرّب حسابـــو                                   عا أول بيت فيه خلقت راجــع

                     

ديني سكرو واوفي وعودي
:واصف يحكم على المحاورة
بعــــد مـــــا الأّول تفلْسَفْ أميــــرو                      وبعد ما الاخر تْمخْتَـــرْ خبيــــرو
.إلتقــــو الضدّيــن حلقــة فلسفيـــــي                       تصار الأول يصافـــح أخيـــــرو
يبو حاتــــــم يا ثــــورة شاعريــــي                       يا سيف المنطق وفارس مصيرو
ويبو ســـرمد يا فلتــــــه عاطفيــــي                      يا ورد الناعم وشهـــــقة عبيـــرو
دود القـــــز، كلمــات الطريــــــــي                      سمِعْهَا وراح يتخبى بحريـــــــرو
لا تهتّمـــــــــو لَميــــن الأولويـــــي                      جنْح بجنْح كنتـــو عــــم تطيــــرو
بقوافي من ريـــــــاش العبقريــــــي                      غزلهـــــا الفن تيوســـع مسيــــرو
وحملها النجــــــم للقمـــــة العليــــي                      تطلّق عل قمر سكنــة سريــــــرو
وبَيْعَتْ للشـــــعر أجمــــل هديـــــي                      واحـــــد للعــــلا مندوب دائـــــــم
وواحد للمجــــد يعمــــل سفيرو

Adidas Gazelle pulseras pandora zapatillas converse ropa hollister Zapatillas puma zapatos jordan nike shox nike air max mujer joyas tiffany nike huarache polo ralph lauren Zapatillas adidas air max zapatos louis vuitton Adidas Superstar Zapatos adidas zapatos christian louboutin bolsos michael kors nike air max nike roshe


Website created and hosted by Reggie's PC Resources, LLC