Go Home

حسام ووسام-صوت وصوره

<<Back

By: الأخــوة مقلّــد  



حسام

أهلاً بخيي وبالتحدي عن جــــديد

 

موعد لقا الأخـــوة لقلبي نهار عيد

النحلة عذات الزهر كرة مـا  تعيــد

 

لو كان أريج الزهر فـي كاسو  زهيد

لكن بعلمي المتلك علــى النار  إيـد

 

مدّا وحرقها تعلم وخاف الوقيــــد

ما بحرقك بحميك من لــذع الحديـد

 

حماية الأم  الحاضنة ابنا الوحيـــد

تفضل على الساحة وبإيدي حــط إيد

 

وازرع متل ما تحب تجني بالحصيـد

يمّا السلم بيكون حظك حالفـــــو

 

و اما الحرب يا ويلك بحرب القصيـد

 

وسام

 

بليل الشعر طليت يا وجّ القمـــــر

 

تا بدور شعرك تنجلي ويحلا  السهـر

أذني لصوتك مرهفي وباقي  البصــر

 

عامل حسابو بآب  تيشوف الصــور

وظلي وظلك عالارض  يترك أثـــر

 

ظلين ضو الشمس بينن ما شطـــر

ولما الخطر صوتو على  بالي خطــر

 

مديت إيدي حكّم الجسمو استعـــر

والحرب لو أعلنتها وبالمختصــــر

 

ضرب الحبيب زبيب مش ضربة حجر

لكن بصورة وصوت لو جلت النظــر

 

بتشوف، وبتسمع حفيف من  الشجـر

لو كنت صوت بكون للسانك  صـدى

 

أو كنت صورة بكون لعيونك  نظــر

 

حسام

أنت وأنا عالصيد رحنا  مصاحبــي

 

الدنيا ظهر والشمس نار ملهلبـــي

وصلنا لتحت السندياني دبدبــــي

 

منا العرق طافح ونازل زرزبـــي

النسمات بتبوس  غصون مكهربــي

 

وورقات عم ترجف بخوف  وسرسبي

تسطّحت، قلتلي:  يا خيي طيبـــي

 

الكبوة بفيي، وصوت نسمه  مسحسبي

وصار الحفيف يوشوشك بمداعبــي

 

ويغمز عيونك عن صور يا لله غربي

تا صارت الصورة  ظلام بعينتيــك

 

وبالأذن صوتو صار قيثارة نبـــي

 

وسام

 

 

لمّا عيونك  ينعسو   قناديلهـــــا

 

بيوعى الحلم صورة  بشهق  فتيلهــا

وأذنك اذا ظل الصدى إزميلهــــا

 

بينحت على سرير الوعي  تماثيلهــا

ولما صبايا الحي صرت  تميلهـــا

 

وتعنيلك الحلوة وانت  تعنيلهـــــا

عخدودها تمريت تا  توميلهـــــا

 

وبلش كنار لسانك يكاغيلهــــــا

يعني الصورة قبل صوتك واصلــي

 

ومنها كتيري لو ربحت جميلهــــا

حسام

 

 

 

لما الصبية طلّت بطلة  غــــزال

 

بوج الحلا والله يخلي هالجمــــال

البسمة على شفافا  خيال من  الخيـال

 

ما أجملك يا بدر شامخ عالتــــلال

قدّمت صوبا وقلت  مسموح  وحـلال

 

لو بسألك عن اسمك واسم العيـــال

ودريت انو  لســــانها عنو محال

 

يطلع حكي واسمع جواب على  السؤال

ومن دون قصد، المال صوبا،عاد مال

 

صوبي، وفَشَل عا مبسمي بين  هـلال

لو كان عندا  لسان بيغـــرد غزل

 

عالارض تا كانت الآية للجمــــال

 

وسام

 

 

 

كتاب الفتحتو ومن الف عام انكتـب

 

بصمت الحروف مكتر عليك  العتـب

والحبر ساعة ما على الورقة انسكب

 

تحول بعين الناس صورة لـــلأدب

وبنت الوراها حفيت من بعد التعـب

 

كرمال صورة بدر فيها ما غـــرب

وسألتها وما سمعت رد على الطلـب

 

بيجوز ردا يكون أعجب من  عجـب

مش كل مرة ان جيت تتنـال الأرب

 

بتكون قلة هالحكـــي كتـرة  أدب

مرة الحكي بتكون فضة قيمتــــو

 

ومرات بيكون السكوت مــن الذهب


حسام

 

 

 

عندك صور يا بو حنين بمختصــر

 

لو شافها جبران كان فيها افتخـــر

سليمان لوما صار للذكــــرى أثر

 

فيك افتخارو ترجمو بأجمل عبـــر

بكلمة "حبيبي عليك" كان صمتو كسر

 

من قبل مادمعو على خدّو انهمـــر

وأمك ولما كنت بسنين الزغــــر

 

كلما القلق بجفونك يشكشك أبـــر

هزتلك بصوت اللي بيطرّي الحجـر

 

وظلت ترندح تا سكر فيك البصــر

مزبوط فضة الحكي مرة بيعتبـــر

 

ويمكن الصمت يكون شي مـرة درر

لكن اذا كان الكلام بمطرحـــــو

 

مضرب مثل بيصير علسان البشــر
 

وسام

 

 

 

عنتر.. عند ما بالحرب شق الغبــار

 

قلك "اذا عاينتني" إنس الخبــــار

ولوما الصورة تكون نسخ من الفكـار

 

طلق أبوك الحكي والصمت استعـار

يعني الحكي مجرور والصورة الجار

 

وبين تابع ومتبوع صوتك وين صـار

وأمك عند ما صوتك تخطى البحـار

 

عمْلت الصورة قبال عينيها مـــزار

والشمس يللي عم تدور بهالمـــدار

 

أم الطبيعة وصمتها نور  وخَضــار

والبدر لما طل من خلف الستـــار

 

دعوة سهر من دون ما يقلك سهــار

ولما الكلام يصير بيكتّر حكــــي

 

بـدّو" كلام الليل" يمحيه النهـــار"

 

حسام

 

 

 

طمّن شعوري وضمني دفء وأمـان

 

وقلّي بحبك تالاذن تشبع حنــــان

حكمة ابو النواس قالا من زمـــان

 

سقيني الخمرة وقول هي خمـرة كمان

عنتر ولما خرّ  عن ظهر الحصـان

 

وعند الاعادي صار جسم بلا لســان

صورة مماتو جرئت قلب الجبــان

 

تالحرب دار وصار شعبو مستهــان

شو نفع صمت ولون اخضر بالجنان

 

انما تحول على صوت بلبل مهرجـان

حاجي بقواعد تبتدع حجة وبيـــان

 

وترسم عزوقك مرج كلو أقحـــوان

العقل اخترع هاتف تصوتك يسمعـو

 

والراديو من قبل شاشة هون كـــان
 

وسام

 

 

 

لما غصن عمري عليك بيتّكــــي

 

وورقة خدودي تصير صفحة مجعلكي

تصوّر حياتك مع حياتي مشاركــي

 

ولا تبنّج الموجوع برشوش الحكــي

ولو نزلت دموعي عخدي دهدكــي

 

مسحها بكفك، مش بكِيْفك يا زكــي

صوتك ان مرة قال للشفّة ضحكــي

 

وجّك منع جفني ععيني يشتكــــي

حاجي تقلي الصوت كفو برمكـــي

 

شاهِدْ ظُلُمْ خلا العدالة مَضْحَكـــي

والأم عالشّاشة بتقشـــــع طفلها

 

من قبل ما يخلق ويشهق بالبكـــي

 

حسام

 

 

 

الأم وقبل ما صار فيها تقشعــــو

 

لإبنا على شاشه، جنين بمضجعـــو

عا دقّت القلب الأطبّا تسمعـــــو

 

وعيونها مع كل دقّة بيدمعـــــو

وليلة قدْر فيها عيوني تطلعــــو

 

لوما دَعَيْت بصوت الله يسمعــــو

كان الأسف عشعش بصدري وأضلعو

 

ووجّي، الفشل عالآخرة صاحَب معـو

ومهما طرحت حساب صورة وتجمعو

 

وتنحت جسم تمثال صخري مقلعــو

بتظل خيي وفيك راسي برفعــــو

 

جاييك تا عهد الزمان نرجّعــــو

عا صوت أم كلثوم بدّي سيهـــرك

 

تالليل يغفا والنجوم يتعتعــــــو
 

وسام

 

 

 

لوما الجنين يكون صورة مبكّـــرة

 

لا سمعت دقاتو ولا دمعك جـــرى

"وبو الهول" لما صار صورة محجّرة

 

بصمتو رسم تاريخ جيـزة وقاهـرة

ولما "حمورابي" بحروف مّسمـــرة

 

شرّع على هالأرض أول مسطــرة

فكوا الحروف الغايرة والنّافــــرة

 

تا صوروها حروف لغّة بتنقـــرا

إصحَ معي، وفيّق بقايا الذاكــــرة

 

وإمشِ بصمت ووقاف حدّ المحفــرة

النعصة تأملها  وزمان الفرفـــرة

 

صورة عم تحاكي جِنان الآخـــرة

ولما القمر يتنأوز عْلَى الْمحـــورة

 

بتلمع وراق الجوز صفرا مخضّــرا

وروعة جنوبك بالليالي المقمـــرة

 

مثل طقم جديد وزرارو القــــرى

إرجع متل ما قلت: تنعيد المضــى

 

وخلّي العيون تقيم أغلا محـــاورة

 

حسام

 

 

 

هيجت أشجاني، صور متل الحريــر

 

والشوق فيّ صار أحمى من  السعيـر

هالمطحنة الفضلا علينا شو كبيـــر

 

صوتا ربطلا وجودها بحبل المصيـر

وترتار عحجار الجنى غنى كتيـــر

 

صوتو وعْد كان للعجينة وللخميــر

ونعصة اللي فرشت عشبها تحتك حصيــر

 

مش ذاكرو لما كنت بعدك زغيــر؟

كلما الهوا جوزاتها داعب، تصيـــر

 

اذنك لصوت الهرهرة لص وخفيــر

ونهر اللي صرلو ينحت بوادي سريـر

 

آلاف من أعوام بزميل الخريــــر

والسندلة الغنّت على صخر الغديــر

 

وحجلان قاقت بين صفحة وبين شيـر

والسمنة السكّت على مربط خطيــر

 

وكعكعة شحرور هوي وعـم يطيـر

أصوات حلوي شنكت إذن الأثيـــر

 

وخلت حناني يظل للماضي أسيـــر

وما دام في رسم الصور صاير خبير

 

وتمثال من صخرة لصورة بتستعيـر

شو عاد فيي قول عن طه الضريــر

 

العبّى المكاتب من جنى صوتو الغزير

لو صدّق الصورة ونكر فضل الحكي

 

ما تنصّب على عرش لغتنا سفيـــر
 

وسام

 

 

تماديت بالأصوات تتثير الشجـــون

 

ورفعت عالصورة قلاعك والحصـون

لما البشر خافو الزمن فيهن يخــون

 

عملو الأثر تمثال تيعيشو قـــرون

و(طه) الضرير الشبّع اللغة فنـــون

 

من عين (سوزي) تحرك بإذنو السكون

لوما تصرلو رموش وعيون وجفـون

 

بحسرة عيونو صار لقمة للمنـــون

(وبتهوفن) الملا الدني عزف ولحـون

 

بإذنو الطرشا صار عا صوتك يمـون

وتتبطّل على صورتي تقيم الطعــون

 

وتقول صوتك في إلو علينا ديــون

شوف اليقين بوجك وزيح الظنـــون

 

لما الأمل بعيونك مضاعف يكــون

الله عطاك لسان واحد للحكـــــي

 

لكن بوجّك حط جوز من العيـــون

حسام

 

 

 

"بتهوفن" بلحنو دخل لب العظــــام

 

رعشة لأذنك مش لعينك يا وســـام

وتمثال لو قيمة إلو عنا ومقـــــام

 

ما تحطّمت ععتاب كعبتنا الصنــام

وطه اللي أنجأ شاف صورة بالمنــام

 

والليل أسدل عا بصر عينو حـــرام

بصوتو سأل سوزي وأمر حبر القـلام

 

يعمّر لأسمو بالأدب قلعة رخــــام

ولما "بيكاسو" بريشة جناح الحمـــام

 

قدم زمان الفن شي ألفين عــــام

تا يوصفو روعة الصورة بشكل تــام

 

قالو ما ناقص غير تنطق بالكـــلام

وتا شوف صورة وجك الفاضت هيـام

 

لازم تكون قبال عيني بالتمـــــام

لكن انا صوتي بتقدر تسمعـــــو

 

من كل جهة، بنور قاعد أو ظـــلام
 

وسام

 

 

آخر حوار الصوت والصورة عتــاب

 

إفرح اذا  بيّنتلك عين الصـــواب

التمثال قيمة ما إلو؟ رأيك مُعـــاب

 

بعلبك "مدينة شمس" ما إلها غيــاب

عواميد وتماثيل من ماضي الحقــاب

 

رفعو السما فوقن على الأربع عتـاب

ولما أبو الحسْنين للدعوة استجـــاب

 

بفرشة رسول الله نام وما استهــاب

وظنوا الاعادي عندما سلّو الحــراب

 

صورة نبي بالتخت عرفو الظن خاب

وأسود حجر لا تحسبو نعقة غــراب

 

صورة من الجنة الإلك فيها مـــآب

حاسب حساب الصوت من أربع جناب

 

وقلبك دليلك ما عملتلو حســــاب

ولوما كنت قدامك، وجودي ســراب

 

طلّع:  انت وادي وانا بعبك ضباب

ظلك أنا وتنرجّع سنين الشبــــاب

 

وتقر عيني من بعد  طول الغيـاب

ولو صوتك عليِّ دِوي والكون جـاب

 

وسألتني، إذني عجين ومن تـــراب

حتى اذا بتموز تم الملتقـــــــى 

 

بأرض المطار ان شفتك برد الجـواب

 

 

 


حسام

 

 

 

يبو سرمد إلك منّي وصيي

 

وصية خي كلّو طيب نيّي

تتقدر إتحاد الشعب تجمع

 

لصوت الحق كون صرخة قويي

تعا بإيدك جراس الحق إقرع

 

كل الناس بتصرلك وفيّي

وإذا حكيو بشغف إلهن تسمّع

 

الوتر بالصوت في لغز القضيي

وشو طولو جسمك وعرضك لا تفزع

 

ولا يهمك البسمة المخمليي

المهم المن لسانك عم بينبع

 

طبع بيرنّ في إذن البريي

انا صوت الجناح العم بيرفع

 

نسر من أرض للتلة العليي

انا صوت الرصاص وصوت مدفع

 

الخلا جنوبنا حدودو جليي

انا الرنّة اللي من جسمك بترجع

 

وصوتا يدل عن أصل الهويي

انا الصوت اللي قلب الأم ولّع

 

طفل كاغى بنغمة عاطفيي

وبدون الصوت صورة شو بتنفع

 

لا تحرمني إلهي صوت خيي

ولما كانت الصورة المنبع

 

التجارة عالشطوط الفينيقيي

بقي إطارهم ضيق مقوقع

 

عحالو، عالرمال الساحليي

ولما الشعب صار الصوت يتبع

 

بلغّات اللسان العالميي

انفتح قدامهن آفاق أوسع

 

ودكّو بالحضارة الجاهليي

وإذا قلبك بشي حلوة تولّع

 

وجمالا بان صورة ساحريي

لعينيك وصرت حالك تقنّع

 

معا تبني الحياة العائليي

وإذا بفخ الحلا عقلك بيوقع

 

وتجوزت عالصورة الصبيي

ويمكن عندما صوتا بتسمع

 

جمالا يزول بين صبح وعشيي

يبو سرمد بهالدنيي اتطلع

 

كريمة بكل ما فيها وغنيي

صور منها عيونك ما بتشبع

 

متل ما تريد عبي المزهريي

ولما ربنا عالكون سبّع

 

عطي آدم عغيرو الأفضليي

ولحتى يميزو بالنطق طوّع

 

لسانو وصار تحفي آدميي

انا جاييك عا لبنان رجّع

 

معك إنس الليالي الجرجوعيي

منا الليل بالدبكة يشعشع

 

على المجوز عصوت الدلعونيي

وبعد ما تخلص السهرة منرجع

 

على البيت الكبر فضلو عليي

ونبقى دردشة تالفجر يطلع

 

على صياح الديوك المريميي

تعا إنتي وأنا بشي كم مقطع

 

وخلي صواتنا عشريط حيي

لحتى بعد نهر العمر نقطع

 

ورانا نتركو ألهن هديي

ويبقى صوتنا لصورة المرجع

 

سمر سرمد حنين وابن حاتم

ورهيف وكل أسرة مقلديي

 

وسام        

 

 

بهالخييــن جددنــا شبابــــو

 

لزجلنا، والمسافات استجابــــو

ومينا الشرق منها الحب أبحــــر

 

رسي عالأطلسي بمينا حبابــــو

صرت ابعث صور من تحت مجهـر

 

ت بحر الشعـر تتحرّى عبابـــو

انحضنّا صورتيـن بفـرد محجــر

 

مثل ببّو تغطى في هدابــــــو

 

 

 

انت صوتك ذهب رنّان أصفــــر

 

لمزمار النبي كان  انتسابـــــو

ويمكن عالهديل الصبح يفطــــر

 

وكنار يرندح بكرّة خطابـــــو

ويمكن عالحفيف الأذن تسكـــــــــــــــر

 

سكرة روح مش سكرة شرابـــو

وأم كلثوم بالصوت المقـــــدّر

 

"بهذي ليلتي" الأحباب ذابـــــو

وما بنسى ميذني والله  أكبــــر

 

عصوتا كتار من هالخلق تابـــو

لكن خاطري لأجلك تكسّـــــر

 

عند ما الردّ مشّاني بركابـــــو

ومنك بعتذر بلسان  مُجبـــــر

 

بألله يذكّر ورأيو وصوابـــــو

تا ما تقول خيي كتير شهّـــــر

 

بذم الصوت وتقسّى بجوابــــو

ويعكّر مزاجك صوت منكــــر

 

وتتشاءم بنعقة من غرابـــــو

 

 

           

وعسيرة أشعر الفرسان عنتــــر

 

انا من صورتي بدفع حسابــــو

عصوت المَيْ من "مزراب أعــور"

 

" رهيص " استحكم بمزقة قرابــو

ولما حسّ أنو الموت بكّــــــر

 

عروحو اللي انتهى منها شبابـــو

لبس توب الحرب من فوق أبجـــر

 

وحلف يحمي القبيلة في غيابـــو

غرز بالأرض رمحو تا تسمّــــر

 

اتكى عالرمح تالأعدا يهابـــــو

وصار الفارس الجايي مزمجـــر

 

يلمح صورتو، ويفقد صوابــــو

ركب عحصان خوف وصار ينهــر

 

تصارو يدقدقو بوجّو ركابــــو

أنا لبنان صورة مجد أخضــــر

 

سمْعْ وعود تالأرزات شابـــــو

أنا من هالكرْم عنقود أشقـــــر

 

شقارو ذاب سكر في رضابــــو

أنا غصن الجنى، طربون زهّـــر

 

ومن رياحك تشألب عا جنابــــو

تصار الغصن، كلما الريح صفّــر

 

طفل قلقان عم يشلح تيابــــــو

 

 

 

ووادي بقاعنا، من ظهر بيــــــــــــدر

 

عروس بزفة العرس وإهابـــــو

و"صنين"  بطقم أبيض تحضّـــــــــر

 

نزل عالسهل عا سلّم هضابـــــو

وكانو ناطرين "الشيخ" يحضـــــــــر

 

عرس خيّو، تيكتبلو كتابــــــو

 

يبو حاتم تشعرك فيه تفخـــــر

 

 

لازم صورتو ترفع عتابــــــو

واذا عا صورتي صوتك تنكّـــر

 

البحر بيظل مفضل عا سحابــــو

واذا صوتك على الصورة تستـّـر

 

الحقيقة ما بيحجبها سرابــــــو

رح بتبقى صور شعري المصــدر

 

لصوت مدوزن بسحبـة ربابـــو

وتيبقى خاطر الكلمة مجبّـــــر

 

أنا بعيني كتبت للشعر محضــــر

وانت بلسانك تهجّا كتابـــــو

انتهت 2/7/2009


Adidas Gazelle pulseras pandora zapatillas converse ropa hollister Zapatillas puma zapatos jordan nike shox nike air max mujer joyas tiffany nike huarache polo ralph lauren Zapatillas adidas air max zapatos louis vuitton Adidas Superstar Zapatos adidas zapatos christian louboutin bolsos michael kors nike air max nike roshe


Website created and hosted by Reggie's PC Resources, LLC