Poems From Jarjouh

واصــف / وســام- عتــاب

الأخــوة مقلّــد

"

          

وسام:
بحيــــــــــاة الله إرأف بحالـــــي               من يومها، (غلطان) موالي
لا تظل عا خيك أنت زعـــــلان               أكتر أنا زعلان من حالــــي 
وحق اللي جابك عالدني إنســان               فجر الخميس تبسم هلالــــي
واسمك على لساني وعي بردان               وطيفك بقلبي مزاحم الغالــي
وذرفتلك  دمعات عن إيمــــــان               لو شفت حالي بكيت كرمالـي
الله جبلني عاطفة وتحنـــــــــان                مش من تراب ومي مجبالـي
بالرقم يمكن صابني النسيـــــان                ولولا نسيت الرقم ما بنسـاك
عايش بقلبي وساكن بّالي

واصف:
معليش لــــــولا عتبتْ عا خـــــيّ             ميّ العتب بتطّهر النيّـــــــــــه
لوما النهر يعتب على الغيمـــــات             ما كان سكر عنغمة الميـــــــــّه

خيّ انت حَبْ القلــــــب بالــــذات             بعتب عـقلبي إنشح حنيـّـــــــــة
وبعتب ع عيني انشافت الشوكات             ومــا شافت الوردات جوريّــــه
ولاهالسبب جيتك انت بالــــــذات             هزهز يراعك تَــوعي من النوم
وبَيْعَتْ قصيدي منّك هديــة
                   

"