Poems From Jarjouh

عـــرس واصـف وسيريـن

وســام مقلّــد

"
الله بهالليلــــــي الفـــــــرح وزّع                      بيناتنـــــا وعدلـــــــو ولا أروعْ
ومن حكمتو عمل الفرح شكليــن                      في عين بسمه، وعين عم تدمـع
 لسمة فرح هلّت من الخدّيــــــــن                      وفاضت الدمعة حدها تلمـــــــع
 ونزلو سوا صنوين مش ضديــن                      تلاقو بشهقة قلب عم تطلـــــــع
 وفاتو ما بين شفاف صوتي وبين                      لساني، وصارو حروف تتجمع
وحروف جنب حروف عالميليـن                      مثل ال بمحراب الصلا بيركـع
 وغلّو ببعضن مثل رمش وعيـــن                      كاغو الكلمة والقلم يطبـــــــــع
 ومن هالكلام عملت هالسطريـــن                      بلكي كلام محبتي بيشفـــــــــع
 ما جِبِتْ ورد يموت بنهاريـــــــن                      ملبّس نعوفو بعد ما نشبــــــــع
 ولا عقد ألماس وحلق ذينيــــــــن                      ألماس دون الناس شو بينفــــع
 جايب قصيدة لواصف وسيريـــن                      ودعوة عسجادة صلا بتخشــع
 تْصِيرو فرد  روح بحمى جسمين                      وجناح مهما راح رح يرجـــع
 وحبل التلاقي نشدّ ما نقطـــــــــع
ميـــــلاد خييّ صار ميلاديـــــن                      وفرحة حياتي أعمق وأوســـع
 بُكرا عجرجوعْ قصُدًو الحييّـــــن                      وعا باب بيّك دقْ، رحْ يسمــع
 وقلّو يا بيي الحر وَعْدُو دَيْــــــــن                      واليوم ديَنْ وصيتك بِدْفَـــــــع
من بيت هاشم صار عنّا تنيــــــن                       تيطل من فوق السمـا يربـــع
وقبلة رضا عجبينك بيطبــــع
2008
"