Poems From Jarjouh

ايــدي ع خــدي

وســام مقلّــد

"

ايدي ع خدّي وما حــدا حــــدّي

وفكري نسر علاّ ومش مهـــدي

وبــرّا الدني مزرابهــــا شـــلال

وصوتو لإذني فراش ومخــــدي

مليّت هالوحــــدة وليلــي طـــال

وتا نام عيني تقــول: مـــا بـــدي

تختي جليـــــد ومــــا بقى آمـــال

وصوتي صدى، والعيــــن بتنــدي

فجــأة دِفِي جسمي ودمّــي ســـال

"فكـــرت إيـــدك دقـت بخـــدي"

وكْمشِت خدّي فرفكـــو كرمـــال

لــــو كفّـــك الموجــود بتشـــدي

لكــن يا حسرة هالحلم ما طــــال

وعصفور أحلامي انذبح بالحـال

لما لحالـــــي وعيت عا حالـــــي

قاعد لحالـــــي وما حدا حـــــدّي

 
"