Poems From Jarjouh

عصفـــــــور / 1993

حســام مقلّــد

"

عصفـــور

عصفورْ عمْ بحلم وفكّر فيــــــك                     ريشــــك قصير وأنجــــأ مدّفيــــك

زنودي غصونك، رفرف وهدّي                     خايف عانسمه قاسيه ترميـــــــــك

هدّي، توقّى ريـــــاح محتــــدّي                      بعدَك طري، بتجن وبتلويــــــــــك

وكلما بمـــــرّ خيال من حــــدّي                      بشقّ الكمــــــــام وتحتها بخبّيــــك

بتجوع تكرم عا صحن يـــــــدّي                     بفقّــــي حنينــــي حَبّ وبطعميـــك

وكلمـــا عَطَشْ صابَك خبر ودّي                     من جـــرن عينيي دمــــع بسقيــــك

تسرسبت عاحالك ومش قـــــدي                      مسرسب ومن عمري عمر بعطيك

وكلما جبين الورد بينــــــــــــدي                      بيكــــــون قمقم عطر عم يهديــــك

كرمالك انشفت البشر ضــــــدي                      وقّفْ، بجنّد غيرتي وبحميـــــــــك

وكــــل شي بـــدّي أنــــا بــــدّي                      من جِفت صيّاد الخطر نجّيــــــــك

ومن مَشْحرة نيّــــات مســــودّي                       سيّج جفوني عْليك وبداريـــــــــك

بنسجلك رموشي غطا مـــودّي                       وحتى برد ما يصيبك بغطيـــــــك

زعلان منك والزعــــل جَــــدّي                       بتضيع في يوم مـــــــــا بلاقيــــك

فرفـــره وهجــــــران بيقــــدي                       حلوه الحياة شريك حد شريـــــــك

بعطيك صدري فراش ومخــدي                       تغفى بقلبـــــي ودقتــــو توعّيــــك

بشوفك عاتانـي جــــــوّ بتعــدّي                       وبتحسّ كنت بلوعة المشتـــــــاق

لــو جمــرة الشــوق اللــي فيــي فيــك

 
"